Nuk është e lehtë të gabosh dhe të pranosh se e kemi gabim, edhe më e vështirë është të përballemi me pasojat e dështimeve tona. Megjithatë, një nga mësimet më të rëndësishme në edukim vjen nga të mësuarit nga gabimet.
Askujt nuk i pëlqen të bëjë gabime. Në rastin më të mirë, është thjesht e turpshme, por në rastin më të keq, gabimet mund t’ju sjellin telashe në punë ose me miqtë tuaj, dhe në varësi të peshës të gabimit, mund t’ju bëjë të ndiheni keq kur gabimet tuaja lëndojnë ndjenjat e të tjerëve ose dëmton një miqësi.
Si mund t’i mësojnë prindërit fëmijët se është në rregull të bëjnë gabime
Normalizimi i gabimeve në familje, gjë që nuk është e lehtë. Si prindër, është e vështirë t’i lejojmë fëmijët tanë të bëjnë gabime, por hulumtimet sugjerojnë që ne duhet të bëjmë pikërisht këtë.
Kohët e fundit, terma të tillë si “prindërimi helikopter” janë përdorur për të përshkruar prindërit që nuk i lejojnë fëmijët e tyre të bëjnë gabime; në vend të kësaj, ata heqin pengesat me të cilat përballen fëmijët e tyre për t’i ndihmuar ata të kenë sukses. Ky lloj prindërimi shoqërohet me rezultate negative te fëmijët, si nivele më të larta ankthi dhe depresioni dhe rezultate më të ulëta të mirëqenies psikologjike, si dhe mungesë të pavarësisë dhe aftësisë për tu përballur me probleme.
Në fakt, ndërsa prindërit helikopter shpesh bëjnë gjithçka që duhet për t’i ndihmuar fëmijët e tyre të kenë sukses në shkollë, prindërimi i tillë shpesh shoqërohet me arritje më të ulëta akademike të fëmijëve. Me fjalë të tjera, këta fëmijë nuk zhvillojnë motivim për të zotëruar aftësi të reja – kryesisht ata thjesht mësojnë shumë për të marrë një notë të mirë – dhe shmangin reagimet, sepse kritikat ose dështimet mund të çojnë në siklet ose turp.
Në thelb, duke ua mohuar fëmijëve mundësin për të bërë gabime, ne u mohojmë atyre gjithashtu aftësinë për të zhvilluar fleksibilitetin për të mësuar nga ato gabime si dhe të ballafaqohen me pasojat e atyre gabimeve.
Në një studim që shqyrtoji shkrim-leximin gjuhësor në mbi 400 klasa, studiuesit zbuluan se klasat me arritjet më të larta gjuhësore ishin ato që kishin mësues që reagonin pozitivisht ndaj gabimeve të fëmijëve. Për më tepër, në një kontekst në klasë, gabimet mund të jenë informuese për gjendjen aktuale të njohurive të fëmijëve dhe kështu mund t’i ndihmojnë mësuesit të kuptojnë se çfarë niveli të mbështetjes nevojitet.
Përfundimi është se ne të gjithë mund të përfitojmë nga bërja e gabimeve. Kjo është e rëndësishme për ne si të rritur, pasi nxit marrëdhënie të shëndosha dhe një mjedis pune pozitiv dhe produktiv. Por është gjithashtu e rëndësishme për ne si prindër që brezi i ardhshëm të mësojë si t’i pranojë gabimet e veta, të merret me to dhe të mësojë prej tyre./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
